महाराष्ट्रातील शिक्षकांना राष्ट्रीय शिक्षक पुरस्कार जाहीर | National teacher awards 2024

महाराष्ट्रातील पाच शिक्षकांना राष्ट्रीय शिक्षक पुरस्कार जाहीर

राष्ट्रीय शिक्षक पुरस्कार 2024 कशासाठी दिला गेला : 

महाराष्ट्रातील पाच शिक्षकांना शालेय, उच्च शिक्षण आणि कौशल्य विकास क्षेत्रातील योगदानासाठी सन्मानित करण्यात आले.

पुरस्कार वितरण कुठे कधी व कोणाच्या हस्ते झाले : 

नवी दिल्लीच्या विज्ञान भवनात 'राष्ट्रीय शिक्षक दिना' निमित्ताने राष्ट्रपती द्रौपदी मुर्मू यांच्या हस्ते पुरस्कार प्रदान.

शालेय, उच्च व कौशल्य शिक्षण अधिक सुलभ आणि गुणात्मक होण्यासाठी तसेच माहिती व तंत्रज्ञानाचा प्रभावी वापर करणाऱ्या महाराष्ट्रातील  शिक्षकांना द्रौपदी मुर्मू यांच्या हस्ते ‘राष्ट्रीय शिक्षक पुरस्कारा’ने आज सन्मानित करण्यात आले.

गुणवत्ता शिक्षणासाठी योगदान देणाऱ्या शिक्षकांचा सन्मान :

शैक्षणिक मोबाईल ॲप, उच्च गुणवत्तापूर्ण ई-सामुग्री निर्मिती, दृश्य व श्राव्य सामुग्री निर्मिती, संगणक, दूरचित्रवणी, यु-ट्यूब, आकाशवाणी, सॉफ्टवेअर, हार्डवेयर आदिंचा उपयोग करून शालेय शिक्षण सुलभ, गुणात्मक आणि संशोधनात्मक बनविणाऱ्या शिक्षकांना सन्मानित करण्यात आले.

पुरस्कार वितरण वेळी कोण  उपस्थित होते :

नवी दिल्ली येथील विज्ञान भवनात ‘राष्ट्रीय शिक्षक दिना’च्या निमित्त केंद्रीय शिक्षण मंत्रालयाच्यावतीने ‘राष्ट्रीय शिक्षक पुरस्कार’ वितरण समारंभ संपन्न झाला. यावेळी राष्ट्रपती द्रौपदी मुर्मू , केंद्रीय शिक्षण मंत्री धर्मेंद्र प्रधान, केंद्रीय शालेय शिक्षण राज्यमंत्री जयंत चौधरी, सुकन्या मुजुमदार यासह वरिष्ठ अधिकारी उपस्थित होते.

महाराष्ट्रातील किती व कोणत्या शिक्षकांना पुरस्कार प्राप्त झाला : 

यावेळी, महाराष्ट्रातील पाच शिक्षकांना शालेय शिक्षण, उच्च शिक्षण आणि कौशल्य कला क्षेत्रातील उल्लेखनीय कार्यासाठी वर्ष 2024 चे ‘राष्ट्रीय शिक्षक पुरस्कार’ प्रदान करण्यात आले. 

सन्मानित शिक्षकांची नावे :

मंतैय्या बेडके: शालेय विभागात गडचिरोली जिल्ह्यातील जाजावंडी येथील जिल्हा परिषद प्राथमिक शाळेचे शिक्षक

सागर बागडे : कोल्हापूरच्या एस. एम. लोहिया हायस्कूल व ज्युनिअर कॉलेजमधील चित्रकला शिक्षक

डॉ. शिल्पागिरी प्रसाद गणपुले : उच्च शिक्षण विभागात पुण्यातील प्रा. रामकृष्ण मोरे महाविद्यालयातील इंग्रजी विषयाच्या प्राध्यापक

प्रा. श्रीनिवास होथा : आयआयएसईआर पुणे संस्थेचे प्राध्यापक.

विवेक चांदलिया : भारत सरकारच्या कौशल्य विकास आणि उद्योजगता मंत्रालयातंर्गत आयटीआय निदेशक

राष्ट्रीय शिक्षक पुरस्काराची व्याप्ती वाढली 

या वर्षापासून, राष्ट्रीय शिक्षक पुरस्काराची व्याप्ती वाढवून उच्च शिक्षण विभाग आणि कौशल्य विकास आणि उद्योजकता मंत्रालयाच्या शिक्षकांचाही यात समावेश करण्यात आला आहे. 

राष्ट्रीय स्तरावर किती शिक्षकांना पुरस्कारसाठी निवडले गेले

यावर्षी 50 शालेय शिक्षक, उच्च शिक्षण विभागातील 16 शिक्षक आणि कौशल्य विकास आणि उद्योजकता मंत्रालयाच्या 16 शिक्षकांचा या पुरस्काराने सन्मान करण्यात आला. 

पुरस्काराचे स्वरूप काय आहे 

गुणवत्तेचे प्रमाणपत्र, 50,000 रुपये आणि एक पदक असे या पुरस्काराचे स्वरुप आहे.

पुरस्कार प्राप्त सर्व शिक्षकांचे शिक्षण क्षेत्रातून अभिनंदन होत आहे.

हे ही वाचा - क्रांतीज्योती सावित्रीमाई फुले राज्य शिक्षक गुणगौरव पुरस्कार 2023-24 जाहीर